Net wie de zomer af de winter is de Vastelaovend ouch ein belangriek sezoen, wat neet zo maar veurbie geijt. Zo gaer wie sommige de kersboum optuuge, zette veer es Roerdaler vastelaovesvereniginge ozze sjteek op. Het geveul om same te viere, same te geneete en same te belaeve is de krach die os Vastelaovesgekke oet deRoersjtreek drief. Zo wie ‘t geer det van os gewind zeet, doon veer det mit eine gekke sjlaag, väöl sjaele zeiver, mer baovenal mit ein groot respek en verantwaordelikheid nao elkaar toe.COVID-19 of neet, dees waarde blieve ten alle tieje geldig. Vastelaovend zal dus altied blieve laeve! Ein sjoon tradisie, die noots verlaore moog gaon. En zeker neet es ’t aan os ligk. Dao make veer os same sjterk veur. Det wilt neet zegke det veer os kinne vrieware vanne huidige wet- en regelgaeving. Veer hebbe derhalve same besjlaote det jidder vereniging veur zich nao de meugelikhede kiek binne eige dörp om de Vastelaovend in te vulle binne de geldende wettelikke kaders.
Veer blieve natuurlik in euverlegk mitein, de gemeinte en de Veiligheidsregio en zalle uch blieve informere euver de verdere ontwikkelinge.
Mit vruntelikke vastelaovesgroet,
C.V de Beerbök – Vlorp, C.V D’n Doal – Hirkebosj, K.v De Markoef – Melick, C.V. De Biemösje – Postert, C.V De Berggeite – Berg, K.V D’n Uul van den Grauwert – Mofert