| Tanzmarieches |
 |
 |
|
Eva Grachten, ’t nuuje, 25e Tanzmarieche van C.V. de Beerbök. Eva Grachten is gebaore op 14 jannewarie 1995. Eva is 13 lentes jonk, en woont nach toes bie Bertha, Lei en Emma. Sjtudere duit Eva boete Vlorp, namelik op ’t Citaverde College in Remung. Zien hobby’s zeen loupe mit Massel, turne, en wie kin ’t ouch angers, danse! Eva geit Jerney en Nadja opvolge in de rol van Tanzmarieche. Hiemit waerd Eva ‘t 25e Tanzmarieche van C.V. de Beerbök. Geer zalt messjien dinke, woorom is Eva maar allein? Nou, det is eigenlik heel mekkelik. Wie veer op zeuk woore nao ein tweede Tanzmarieche bleek maar weer ins, det heel väöl luuj nag neet weite wie sjoon de Vlorper Vastelaovend is! Eva wisj det echter waal, en wie Ron en Roel toen oppe sjtoep sjtinge om Eva te vraoge veur Tanzmarieche zei ’t vriewaal direct: Jao ! Det Eva waal wit wie sjoon vastelaovend viere in Vlorp is, haet ’t van gein vraemde. Eva ziene opa, Sjaak, is nar gewaes. Twee naefkes, baeter bekind es Peter en Erik Grachten zeent bie de Raod van Ellef gewaes. En ziene ome Robert, Cas, dae is nach altied ein bietje aktief binne de Vastelaovend. Eva zal es nuuj Tanzmarieche de kommende jaore aan de zie sjtaon van de nach oet te rope Prinse, en natuurlik ouch jidderein versjtild doon sjtaon van zien denskes. Want dees waere ‘m aangeleerd door de inmiddels awt Tanzmarieches Jerney en Nadja. Dames en here, moge veer uch veursjtille aan os 25e Tanzmarieche van C.V. de Beerbök, Eva Grachten ! Gwenny Kleinen, ’t nuuje, 26e Tanzmarieche van C.V. de Beerbök. Gwenny is gebaore op 13 december 1996, en woont nach toes bie Lizet en Roger. Zien hobby’s zeen zien vriendinnetjes, en wie kin ’t ouch angers, danse! Gwenny geit, naodet Eva dit ein jaor allein heat gedaon, noe same mit Eva de rol van Tanzmarieche vervulle. Hiemit waerd Gwenny ‘t 26e Tanzmarieche van C.V. de Beerbök. Gwenny is opgegrujd es ein vrolijk en sjpontaan maedje. Al van kleins of aan haet Gwenny de Vlorper vastelaovend mit gemaak. ’t Begosj al heel vreug mit danse, en dee elk jaor weer mit, mit ein zelf verzonne denske op de buhne. Hieveur mosj ’t genog oefene. Maar van oefene krieg Gwenny neet genog. Want op de aovend wie Gwenny gevraog is om Tanzmarieche te waere, minde ’t det ’t ouch nog get danspeskes mosj oefene. Allein waas dit mit minder succes. Want nao ein kort maar krachtig denske veel Gwenny, en mosj ’t al nao de eerste hulp. Noe wird det veule oefene dan beloond, en moog Gwenny zien danskunste same gaon vertone mit Eva. Dames en here, moge veer uch veursjtille aan os 26e Tanzmarieche van C.V. de Beerbök, Gwenny Kleinen ! Onderstaande dames waren in het verleden Tanzmarieche van "De Beerbök":
 Links: Sandra Reijnen
 Links: Mascha Smeets
 Links: Anne Schoenmakers
 Links: Carolien Engelen
 Links: Sasha Mantz
 Links: Jerney Cox |
